Guraso-murriztapenak

Family Link-en guraso-murriztapenak Gurasoentzako Family Link-en aplikazio osagarria da. Deskarga ezazu haur edo nerabeek erabilitako gailuetan soilik.

Probatu Family Link, guraso-murriztapenak kudeatzeko Google-ren aplikazioa. Family Link bidez, mundu digitalerako oinarrizko arauak ezarri ahal izango dituzu zeure gailutik, haurrentzat zein nerabeentzat, aplikazio lagungarria baita haiek sarean ikasi, jolastu eta edukiak araka ditzaten. 13 urtetik (edo zure herrialdeko onespen-adinetik) beherako haurrentzat zurearen moduko Google-ko kontuak sortzeko aukera ematen dizu Family Link-ek, Google-ren zerbitzu gehienak erabili ahal izan ditzaten.


Family Link-en guraso-murriztapenei esker, hauek egin ditzakezu:

Lagundu haurrari eduki egokia aukeratzen

• Ikusi haren aplikazioetako jarduerak. Erabilera-denbora guztia ez da berdina. Lagundu haurrari erabaki osasungarriak hartzen Android-eko gailuan egiten duenari buruz, gogoko dituen aplikazioetan pasatzen duen denboraren berri ematen duten jarduera-txostenen bidez. Eguneko, asteko edo hileko txostenak ikus ditzakezu.
• Kudeatu haren aplikazioak: jakinarazpen baliagarriak jasoko dituzu, haurrari Google Play Store-tik aplikazioak deskargatzeko baimena emateko edo aplikazio horiek blokeatzeko. Era berean, aplikazioetako erosketak kudeatu, eta aplikazio jakinak ezkutatu ahal izango dituzu zeure gailutik bertatik.
• Elikatu haren jakin-mina: zaila izan daiteke haurrarentzat egokiak diren aplikazioak aukeratzea. Horregatik, irakasleek gomendatutako Android-eko aplikazioak erakusten dizkizu Family Link-ek, zuzenean haurraren gailuan gehi ditzazun.


Erabilera-denborari adi egon

• Ezarri mugak: zeuk erabakiko duzu zein den erabilera-denbora egokia haurrarentzat. Family Link-ek erabilera-denbora eta lo egiteko garaia zehazteko aukera ematen dizu, haurrak modu orekatuan erabil ditzan gailu gainbegiratuak.
• Blokeatu haren gailua: kanpoan jolasteko, afaltzeko, elkarrekin egoteko edo, besterik gabe, haurrak atseden har dezan, urrunetik blokea dezakezu gailua.


Non dagoen ikusi

• Lagungarria da haurra non dagoen ikusi ahal izatea etxetik kanpo dabilenean. Haurra aurkitzeko erabil dezakezu Family Link, baldin eta haurrak Android-eko gailua soinean badarama.


Informazio garrantzitsua

• Haurraren gailuaren arabera, Family Link-ek eskaintzen dituen tresnak desberdinak dira. Gailu bateragarrien zerrenda ikusteko, joan families.google.com/familylink/setup helbidera.
• Family Link-ekin haurrak Google Play-n egindako erosketak eta deskargak kudeatu ahalko badituzu ere, haurrak ez du aplikazio-eguneratzeak instalatzeko baimenik beharko (baimenen eragina hedatzen dutenak barne), ezta aurrez onartutako aplikazioak edo familiaren liburutegian partekatutako aplikazioak instalatzeko ere. Gurasoek erregularki berrikusi beharko lituzkete haurrak instalatutako aplikazioak eta aplikazio-baimenak Family Link-en.
• Berrikusi arretaz haurraren gailu gainbegiratuko aplikazioak eta desgaitu erabiltzea nahi ez dituzunak. Baliteke aurrez instalatutako zenbait aplikazio desgaitzeko gai ez izatea.
• Haurraren edo nerabearen gailuaren kokapena ikusteko, beharrezkoa da piztuta egotea, duela gutxi aktibo egon izana eta Internetera konektatuta egotea.
• AEBn, adin zehatz batzuetako haurren gurasoen Android-eko gailuetarako soilik daude erabilgarri irakasleek gomendatutako aplikazioak.
• Family Link-ek haurraren sareko jarduerak kudeatzeko tresnak eskaintzen baditu ere, ez du bihurtzen sarea toki seguru. Hona hemen helburuak: haurrak Internet erabiltzeko duen modua kontrolatzeko aukerak ematea gurasoei eta Interneten erabileraren inguruko eztabaidak sustatzea.